Դ'օրիան՝ հոգու մերկապար

Շուշանիկ Արևշատյան. անձնական կյանքի կատակերգություն

Դորիան — Fri, 19 Feb 2010 21:12:20 GMT

"Ես ամուսնալուծված եմ, իսկ թե ինչու, որովհետեւ ամուսինս այն տղամարդը չէր, որը հասկանար, որ ես ունեմ իմ ներաշխարհն ու իմ բնույթը, ու այն չի կարելի կոտրել"

Պատասխան հարվածին պատրաստվելու համար պետք է լավ ճանաչել թշնամուն՝ որտեղ են տեղակայված նրա զորքերը, ինչպիսի մարտավարություն ունեն, ինչպես է նա պատրաստվում կռվի։ Բայց որքան ավելի ես խորանում, մոտենում թշնամուն, այնքան ավելի լավ է ընդգծվում նրա պատկերը։ Ի վերջո հասկանում ես, որ թշնամիդ մարդ է ու նրանից կյանքը խլելու համար բավական չէ լավ զինված լինել ու լավ զինվոր, այլ որ պիտի մոռանաս ընտանիքդ, մոռանաս հայրենիքդ, սերը, ժպիտները ու այն ամենն ինչ թանկ է քեզ համար, այլապես կհիշես, որ այդ ամենը թանկ է նաև դիմացինիդ ու որ ձգանի մեկ սեղմումով փոխում ես մի ամբողջ տիեզերք։ Հենց այդպիսի զգացողություն ունեցա, երբ փորձում էի կոմպրոմատ գտնել այն մարդու վրա, ում նախաձեռնությամբ կամ խրախուսմամբ դեռ երեկ ռադիոալիքներից մեկով բնաջնջում էր քարոզվում մարդկային այն տեսակի հանդեպ, որին պատկանում են ինձ համար կարևոր մարդկանցից շատերը։ Բայց որքան ավելի շատ էի ճանաչում "թշնամուս", այնքան ավելի էի խղճում նրան, հասկանում նրա քաոսը ու վերքը, որը բուժել փորձելով նա ավելի ու ավելի է խորացնում։ Ես ֆեմինիստ եմ։ Ես ցանկացած հարցում նախ կնոջ կողմից եմ։ Կամ այն պատճառով, որ ապրում եմ միջավայրում, որտեղ չեն գնահատում կնոջը, կամ էլ, ուղղակի, աչքերիս առաջ ունենալով մորս, որն, ի դեպ, շան հետ է ապրում։

"Չեմ պատկերացնում, որ իմ կողքը կլինի տղամարդ: Ավելի լավ է լինի շուն, որն ավելի հավատարիմ է, քանի որ գիտես, իրենից ոչ մի վնաս չես ստանա եւ ընկերներ, որոնք կգան եւ կգնան"...

Show

Դորիան — Tue, 26 Jan 2010 02:29:18 GMT

Ветра

Դորիան — Thu, 17 Dec 2009 20:13:33 GMT

Если бы мне было двадцать, я открыла бы окно и наслаждалась ветром. Я бы закрыла глаза и глубоко вздохнула, как-будто в одну секунду поглощая вселенную: любовь, наслаждение, безумие, свободу… Если бы я была молода, я бы убежала, если бы я была молода, я бы исчезла из жизни тех, чьи взоры для меня теперь полны сомнения, была бы я молода… я бы не боялась ошибиться, и если бы….

Նամակներ, ծխախոտ ու մեկի հոտը

Դորիան — Sat, 03 Oct 2009 23:03:48 GMT

Ձեռքը դանդաղ իջեցրեց ազդրերիս ու զգացի թիկունքովս բարձրացող դողը, ցանկությունը: Սենյակի կիսամթի մեջ, մոմի լույսի տակ նրա մաշկը նարնջագույն երանգ էր ստացել ու ստվերները գեղեցիկ ընդգծումներ էին արել մարմնին: Կանգնել էի այնքան լուռ, ասես առաջին անգամ էի սիրով զբաղվում ու նրա ամեն մի համբույրի հետ ավելի էր խորանում շնչառությունս: Դադարեց համբուրել, մի քայլ ետ արեց ու սիրահարված հայացքով ոտքից գլուխ զննեց ինձ՝ նաև իրեն զննելու ժամանակ տալով:

ՈՒՇԱԴՐՈՒԹՅՈՒՆ՝ տեքստն ունի էրոտիկ բովանդակություն: Եթե դուք չեք ընդունում նման բաներ՝ խնդրում եմ չկարդալ:

Դորիան Գրեյի թոքախտավոր սուտը

Դորիան — Sat, 12 Sep 2009 20:39:35 GMT

ՈւՇԱԴՐՈՒԹՅՈՒՆ՝ Այստեղ ներկայացվում է «Դորիան Գրեյի թոքախտավոր սուտը» պատմվածքի միայն 1-ին մասը: Ամբողջությամբ այն կարող եք բեռնել «Գրքեր» բաժնից, անցնելով գլխավոր մենյուից, կամ այս էջը կարդալուց հետո՝ անցնելով տրված հղմամբ:

Թերթոնչիկը և թրաշով ձյաձյաները, կամ՝ ձեր էշը վեց սկոռուստ ունի

Դորիան — Mon, 24 Aug 2009 23:46:22 GMT

Թվում էր, թե որոշ մեր հայրենակիցների էրեկցիայի հանկարծակի վերականգնումը կապված էր համասեռականների պաշտպանությամբ հանդես եկողներին, այդ թվում և ինձ, վատություն անելու հետ, այնինչ, պարզվում է, որ նրանց գրգռվելու պատճառը սեփական հետույքն ինտերնետային էջերում պատկերացնելն է:

Աղոթած աշուն

Դորիան — Tue, 04 Aug 2009 11:48:32 GMT

Միայնությունն ու այն մտքերը, թե անհաջողակի մեկն ես, թե իզուր ես ապրել ամբողջ կյանքդ ու, հավանաբար, հավատարիմ կմնաս ոճիդ մինչև դրա վերջը, ստիպում է խորհել մահվան մասին ու ակամա նկատել դրա առավելությունները: Սփոփող անգոյություն: Բացարձակ: Ուր ցավն ու գորշ մտքերը միանգամից անհետանում են, վերջապես հանգիստ թողնելով քեզ: Ինչքան գեղեցիկ է մահը: Փառք Աստծո՝ այն կա: Դրանով կարող ես դադար տալ սովորական դարձած ձանձրույթին, իրար հաջորդող անիմաստ կրկնություններին, որոնցից կազմված է այն, ինչ կյանք են կոչում: Այն երկար սպասված վերջաբան է մի մարդու համար, որ ոչ մի սպասելիք չունի վաղվա օրվանից:

Թվային թմրաբիզնես

Դորիան — Sat, 18 Jul 2009 21:51:58 GMT

Վերջին ժամանակներս ինտերնետում ավելի հաճախ են հանդիպում թվային թմրանյութեր առաջարկող կայքեր: Մարիխուանա, կոկաին, հերոին, մորֆի, օրգազմ... Վճարելով չնչին գումարներ այս բացառիկ «արտադրատեսակները» կարող է փորձել յուրաքանչյոր մարդ: Սակայն ի՞նչ են իրենցից ներկայացնում այդ «թվային թմրանյութ» պիտակավորված աուդիոֆայլերը և որքանո՞վ է իրական դրանց ազդեցությունը:

Այս հոդվածում կփորձեմ ոչ միայն սպառիչ պատասխան տալ այս հարցերին, այլ նաև յուրաքանչյուրիդ հնարավորություն կտամ լսել այդ բինաուրալ էֆեկտով աուդիոֆայլերից մեկը:

«Խորհրդավոր այգին»

Դորիան — Thu, 25 Jun 2009 14:44:08 GMT

Արդեն ժամը մեկն էր ու այս պատվմածքի Հեղինակը և նրա Ընկերը դանդաղ քայլելով վերադառնում էին տուն: Փողոցները դեռ լուսավոր էին, անցորդները՝ հատ ու կենտ, մեքենաներն ավելի արագ էին ընթանում: Երբ Հեղինակն ու Ընկերը մոտեցան մի կանգառի, տեսան էնտեղ իրարից առանձին կանգնած երկու տղամարդու ու նրանց շուրջ պտտվող երեք պոռնկուհու, որոնք մի տղամարդու մոտից մյուսի մոտ էին գնում, ավելի շուտ, ասես, մուրալով, քան իրենց վաճառելու փորձ անելով:

«25-րդ կադր»

Դորիան — Thu, 11 Jun 2009 01:35:14 GMT

2-րդ զուգագուլպան էր պատռվել ու Ալիսը չգիտեր, թե ինչ է անելու: Գրողը տանի, և ինչու նա չի կարող թույլ տալ իրեն ավելի թանկ զուգագուլպաներ, նրանցից, որոնցից Նիկոլա Սարկոզիի կինն է հագնում: Համա թե գեղեցիկն է, խնամված, ջահել: Ով գիտի, գուցե ինքն էլ այդ կնոջ պես գեղեցիկ ու խնամված լիներ, եթե... Նա խուսափում էր այդ մտքից: Եթե չկա: Անցյալը չես փոխի: Ընտրությունն ինքն էր կայացրել ու նրանում, որ չի կարող Սարկոզիի կնոջ զուգագուլպաներից հագնել, միայն ինքն է մեղավոր: